NOVAS INCORPORACIÓNS

 Estes días chegou á nosa biblioteca unha nova colección de libros moi demandada polo alumnado do terceiro ciclo: Os Megatoxos.

Agardamos que desfrutedes coa súa lectura.

MANUEL FRAGA

 Esta semana as nenas e nenos de quinto de primaria tiveron a sorte de recibir a visita de Manuel Fraga, escritor e creador da obra "Papá Caníbal", a cal teñen no seu itinerario lector.

Grazas a esta visita poideron descubrir moitas curiosidades da obra e  resolver moitas dúbidas sobre a mesma.

Grazas pola visita!

DÁI DO LIBRO 2026

Esta semana, con motivo da conmemoración do día do libro, que se celebra o 23 de abril, a rapazada de 5º EP está a contar contos, pois crearon un... Teatro de Sombras Chino!

Usan unha lanterna que proxectan nunha parede e, despois, con todo o material que prepararon, contan un conto que eles/elas mesmos/as tamén crearon.

O alumnado relacionou este proxecto co PDI do centro, os continentes, e viaxaron ata China para ensinarnos esta idea tan innovadora. 

Noraboa compañeiros/as por todo o voso esforzo!

Ademais, as nenas e nenos de primaria crearon estas maletas viaxeiras nas que recomendan o seu libro favorito para levar de viaxe. 

MOSTEIRÓN NAS ONDAS

 Nova entrega de Mosteirón nas Ondas

Que novas e curiosidades nos contarán esta semana os nosos compañeir@s do segundo A.

Estamos desexando escoitalas.

NO SOY UN CONEJO DE PASCUA

Xa está aquí a primavera e a Pascua e o alumnado de infantil desfrutou dun contacontos impartido polas mestras de Infantil relacionado con esta temática. Trala lectura foi o momento de buscar ao colliño de Pascua.

MALETA INCLUSIVA

 Por unha biblio inclusiva!

O 15 de abril recibimos unha nova maleta das solicitadas na Asesoría de Bibliotecas. 

Esta vez céntrase na inclusión e está exposta para que todo o alumnado que queira poida acceder aos seus contidos.

Agardamos que vos guste!

OBRADOIRO DE RADIO

 O venres 10 de abril o alumnado de 4º de Educación Primaria participou nun obradoiro de radio a cargo de  Arturo Trillo.

Nel traballaron a oratoria dun xeito moi dinámico e lúdico.

Foi unha actividade coa que nenos e nenas aprenderon moito.