OBRADOIRO "RANGOLI"

 Con motivo da chegada da primavera, o equipo de biblioteca, en colaboración co equipo de plurilingüismo do colexio levamos a cabo co alumnado do terceiro ciclo de primaria esta estupenda actividade coa que aprendemos e desfrutamos moito sobre esta festividade da India, a festa Holi.

A actividade supuxo un traballo de búsqueda de información sobre a mesma (orixe, tradicións, significados,...),  e culminou coa decoración do chan dos corredores do centro con "rangoli"  tal e como fan na India nas festividades importantes. 

En todo este traballo temos que dar as grazas á nosa auxiliar de conversa, á cal ao ser de orixe hindú nos axudou e guiou moito neste traballo.

HABÍA UNHA VEZ...NA RADIO

Hoxe as alumnas e alumnos de 4º de Educación Primaria participaron neste obradoiro "Había unha vez... na radio" impartido por Soledad Felloza.

Nel traballaron a narración oral na radio dun xeito moi dinámico e práctico xogando coa voz e o corpo. Interpretaron e aprenderon, ademais, a importancia de vivenciar as emocións e os silencios do texto.

Unha actividade moi boa coa que todos, alumnado e mestres, quedaron encantados e da que sacaron moito probeito.

GALAXIA LITERARIA

 Con motivo da Semana da Prensa e sen perder de vista a temática do noso pdi, creamos na entrada da biblioteca este mural: A galaxia literaria. 

Unha enorme galaxia á que, ao longo desa semana, as nenas e nenos dos distintos cursos de forma individual, por parellas ou mesmo pequenos grupos de traballo facendo as súas aportacións.

Cada quen podía escoller a categoría ou categorías nas que quería participar. Estas eran: refráns, poesía, adiviñas, receitas, experimentos caseiros, chistes, historias curtas ou trabalinguas.

Elexida a categoría tan só quedaba deixar voar a imaxinación e escribir nun papeliño o resultado.

Nos momentos lectores da seguinte semana  cada curso poido subir á biblioteca para descubrir e desfrutar coa lectura das obras dos seus compañeiros/as.

MALETA CIENCIA PARA PRIMARIA

 Xa chegou á nosa biblioteca unha nova maleta da Asesoría de Bibliotecas, a Maleta de Ciencia para Primaria. Un recurso estupendo que ven cheo de información, libros e contos relacionados co tema do noso pdi, a ciencia.

Xa podedes desfrutar do seu contido!

MUSEO PREHISTÓRICO MOSTEIRÓN

 Os nenos e nenas de sexto de Educación Primaria crearon un museo no noso centro relacionado coa temática que estaban a traballar na aula, a Prehistoria.

Un traballo do máis completo no que a biblioteca do cole foi para eles e elas a principal fonte de investigación e documentación para poder levalo a cabo así como o estudo no que crearon e deseñaron os distintos materiais que conforman o museo.

Pero o traballo non rematou, pois agora están a facer de guías do museo e explicando os compañeiros e compañeiras dos demais cursos todo o que nel hai.

Parabéns rapaces e rapazas fixestes un grande traballo.

TALLER DE MÁSCARAS

 Durante o mes de febreiro, o mes do entroido, a nosa biblioteca acolleu un obradoiro de creación de máscaras.

Organizados por grupos de traballos e dirixos por un mestre/a  nenas e nenos confeccionaron distintas caroutas empregando a técnica do papel maché e globos.

Os mestres/as do equipo de biblioteca foron os encargados de impartir o taller e ensinarlles aos mestres e titores esta técnica artística.