OBRADOIRO DE ENTROIDO

 Durante estas dúas derradeiras semanas de febreiro na biblioteca do centro realizamos un obradoiro de entroido. Foi un taller impartido polos mestres do equipo de biblioteca, no que o alumnado do terceiro ciclo de primaria participou  nun taller de desfaces.

Nel os propios nenos e nenas deseñaron e confeccionaro os desfraces que usamos o vernes 28 na gran festa e desfile de entroido que realizamos no cole.

Como este curso a temática do noso Pdi é a ciencia, todos os desfraces partían desa temática.

DÍA DA NENA E A CIENCIA

 Ao longo do mes de febreiro o alumnado das distintas clases do centro estivo realizando unha ardua labor de investigación.

Cada grupo foi o responsable de investigar sobre unha rama científica: historia, astronomía, economía ou bioloxía foron algunhas das especialidades traballadas. 

Logo de documentarse sobre ela tiñan que recoller, nun pequeno video, os datos máis significativos  así como o nome dalguna muller que destacara nesa ciencia.

Con todos os vídeos fíxose unha montaxe para que todas as nenas e nenos do cole poideran velos e aprender co traballo dos compañeiros e compañeiras.

A continuación vos deixamos os enlaces dos vídeos.

https://www.edu.xunta.gal/centros/ceipmosteiron/node/1034

APADRIÑAMENTOS LECTORES DE FEBREIRO

 Onte todo o alumnado do centro disfrutou dunha nova xuntanza lectora.

As nenas e nenos dos cursos superiores foron os padriños e madriñas lectores do resto de compañeiros. 

Días antes encargáronse de elexir na biblioteca o conto que querían ler este día aos seus afillados/as e preparáronno con moita ilusión. 

O resultado foi estupendo.

DÍA DE ROSALÍA

Con motivo da conmemoración do Día de Rosalía, un grupo de nenos de 5º de Educación Primaria prepararon un podscast sobre a poetisa con información destacada da súa vida e obra (buscaron información, seleccionaron a que máis lles interesaba para retransmitir, crearon o seu guión, preparárono e gravaron).

O día 24 de febreiro, no momento lector, todas e todos poidemos escoitalo pola megafonía do colexio.

Grazas polo voso traballo rapaces!! 

MATEMAGO

 A biblioteca do noso centro estes días estase a encher de maxia e ilusión grazas á chegada do Matemago.

Unha figura que está traendo aos nenos e nenas dos cursos superiores distintas actuacións nas que a maxia e as matemáticas van unidas.

Logo de desfrutar da función, nenas e nenos teñen dúas misións que cumprir: tentar decubrir a explicación matemática de por que ocorre o que ocorre nos trucos do matemago e inventar o seu propio truco de maxia empregando as matemáticas.

CONTACONTOS EN FAMILIA

 O pasado mércores o alumnado de infantil tiveron unha nova sesión de contacontos impartida por unha familia. 

Nesta ocasión o conto escollido foi "A veces mamá ten tronos na cabeza", unha historia que lles gustou moito e coa que axudou a que cada un exteriorizase os seus tronos particulares.

Grazas novamente familias!

OBRADOIRO PINTURA EN PEDRA

 Durante a derradeira semana de xaneiro a nosa biblioteca convertiuse nun taller de arte. Nela, nenas e nenos dos distintos cursos poideron participar, de xeito voluntario, nun obradoiro de pintura de pedras.

A temática das pinturas xirou entorno a temática desta data, a PAZ. 

De aí que o noso traballo se organizase en tres partes; nunha primeira na que investigamos sobre os símbolos e iconas alusivas a este tema, nunha segunda centrada no diseño sobre papel e a terceira foi a reprodución do debuxo na pedra.

30 de xaneiro

 Conmemoramos o Día da Paz coa volta dos apadriñamentos lectores. 

Unha actividade que neste curso inauguramos este día cunha actividade moi especial e moi relacionada co noso Pdi de ciencia. Pois nela madriñas, padriños e afillados/as escribiron e debuxaron unha mensaxe de paz para regalar entre eles; unha mensaxe que fixeron chegar aos seus destinatarios dentro dun tubo de ensaio como ben científicos e científicas que somos.

Logo padriños e madriñas leron distintos contos relacionados coa temática deste día; uns día que previamente seleccionaron eles mesmos na biblioteca e prepararon para este día tan especial.

O resultado non puido ser mellor.