MOSTEIRÓN NAS ONDAS

    Aquí unha nova entrega do programa de radio

SEMANA DA PRENSA

Con motivo da conmemoración da Semana da Prensa, desde o equipo de biblioteca propuxemos esta actividade aos titores e titoras para traballar co alumnado.

Nel tiñan que inventar novas a partir dun ou varios sons relacionados coas viaxes e a volta ao mundo: Un avión aterrando, o corno dun barco, o himno dun país, un djembe soando,...  foron algúns dos sons elexidos polos mestres para tal ocasión.

Para poder redactar e organizar ben a súa nova, primeiro fixeron un traballo de investigación para descubrir de que partes consta unha noticia e o que se recolle en cada apartado. 

Feito isto, organizados por equipos de traballo crearon e redactaron as súas novas para  o xornal "Mosteirón Travel".

Estes son algúns exemplos 

CONTACONTOS POLA IGUALDADE

 Onte o alumnado de 1º de Educación de Primaria desfrutou  dunha sesión se contacontos ofertada polo concello de Sada, no que o tema central da obra centrábase na igualdade de oportunidades entre homes e mulleres. 

PURO TEATRO

Hai uns días contamos na nosa biblioteca cun novo recurso que está a ter moita aceptación entre o alumnado. Trátase dun teatrillo.

Nos momentos de lecer o alumnado voluntario sube á biblioteca representar nel aos seus compañeiros e compañeiras distintos contos e obras nos que eles e elas son os encargados de preparar todo o traballo previo que supón: invención da historia, elección e creación dos personaxes, posta en escena,...

Os resultados están sendo espectaculares.

 

DÍA DA MULLER

 Este domingo celébrase o 8M, o Día da Muller, por iso na biblioteca fixemos unha exposición con moitos dos libros que temos relacionados con esta temática para que alumnado e profesorado poidese desfrutar deles.

Ademais ao longo de toda a semana, o alumnado nos tempos de lecer poido participar nun obradoiro de mandalas co símbolo da muller e do 8M.

E entre todos os nenos e nenas do centro creamos este gran mural sobre "A muller máis importante da miña vida", no que cada quen aportou a fotografía ou debuxo da muller máis importante.

MOSTEIRÓN NAS ONDAS

 Queres descubrir as últimas novas do noso cole? Pois non tedes máis que escoitar esta nova entrega do programa de radio.

MALETA BANDA DESEÑADAS PARA PRIMARIA

 O venres recibimos no cole unha nova maleta das solicitadas na Asesoría de Bibliotecas, "A maleta de banda deseñada". Con todo o seu contido creamos unha exposición no corredor princiapal para que todo o alumnado e profesorado poida ter acceso ao seu contido.

Agardamos que vos guste

VISITA AUTORA

 O xoves na nosa biblioteca tivemos a sorte de contar coa visita Antía Yáñez, autora dun dos libros que o alumnado de sexto de Educación Primaria leron dentro do seu itenerario lector"Plan de Rescate". 

Grazas a este encontro autora e alumnado poideron analizar xuntos o libro e as nenas e nenos poideron descubrir moitas cousas sobre a historia e os seus personaxes.

Non podía finalizar a visita sen unha firma do seu libro.

MOSTEIRÓN NAS ONDAS

 E a quenda os peques do cole.

Esocitade que ben fixeron o seu primeiro programa de radio as nenas e nenos de 4º de EI

APADRIÑAMENTOS LECTORES

 Un mes máis continuamos cos apadriñamentos lectores. 

Os nenos e nenas dos cursos máis altos apadriñan aos compis dos cursos máis baixos para compartir con eles momentos de lectura, diálogo e convivencia. Grandes momentos cos que o alumnado desfruta moito.

DÍA DE ROSALÍA DE CASTRO

O 23 de febreiro celebramos o día de Rosalía cunha actividade moi especial baseada no poema de Rosalía chamado `Para a Habana´. Aquí tedes un fragmento do mesmo:

Vendéronlle os bois, 
vendéronlle as vacas,
 o pote do caldo
 i a manta da cama. 
Vendéronlle o carro
 i as leiras que tiña ;
 deixárono sóio cou ropa vestida.
 “María, eu son mozo, pedir no me é dado ; 
eu vou polo mundo pra ver de ganalo. 
Galicia está probe,
 i a Habana me vou...
 ¡ Adiós, adiós, prendas do meu corazón !”
 “Ánimo, compañeiros!

Os nenos e nenas lérono e falaron da emigración. Despois fixeron unhas pequenas maletas pensando en que levaría Rosalía se fora de viaxe a outro país para dar a coñecer Galicia.

Mírade que ideas máis bonitas!

Pero isto non foi todo, as nenas e nenos de cuarto quixeron profundizar un pouco máis e coñecer algúns outros dos poemas da poetisa, así que subiron á biblioteca do centro a documentarse.

Alí estiveron a traballar sobre outras obras de Rosalía como "Adiós ríos, adiós fontes".

11 DE FEBREIRO

 Con motivo da conmemoración dunha data tan importante como é o Día Internacional da Muller e a nena na Ciencia, na biblioteca fixemos unha selección daquelas obras e títulos dos que dispoñemos relacionados con esta temática para que alumnado e mestres/as poidan facer uso delas nestes días.

Estes libros tamén foron usados polos nenos e nenas nos momentos de lecer para levar a cabo unha tarefa de invesgación que  Nicoleto (a nosa mascota) lles propuxo para resolver ao logo de toda a semana. Que cal era esta tarefa? Pois veredes, era unha actividade que relacionaba esta data coa temática do noso Pdi.

Cada grupo tiña que buscar unha muller científica do país ou continente que estaba a traballar e facer un pequeno mural sobre ela para logo poder presentar ao resto de compañeiros e compañeiras do cole e todos nutrirnos do traballo dos demais. 

E este foi o resultado de tan ardua labor.

PARABÉNS POLO TRABALLO REALIZADO!!!! O RETO FOI SUPERADO CON ÉXITO.

ENTROIDO

 Xa está aquí o entroido e como non podía ser menos a nosa biblioteca xa está preparada para a ocasión.

Estes días nenos e nenas poden desfrutar nela nos tempos de lecer dun obradoiro de máscaras e tamén teñen á súa disposición moitas perrucas, complementos e desfraces para caracterizarse das súas personaxes favoritas ou de todo aquilo onde os leve a súa imaxinación e orixinalidade.

Esperamos que o pasedes ben!!!