Nova xornada de apadriñamentos escritores.
Nesta ocasión afillad@s e padriños xuntáronse o bosque do centro para inventar xuntos unha breve historia na que tiñan que crear tanto as ilustracións como o texto. Tan só tiñan unha plantilla en branco con catro viñetas que debían cubrir.
.jpeg)
Este curso, nas mochilas viaxeiras que saíron da biblioteca incorporamos un novo recurso. Trátase dun libro viaxeiro que nenas e nenos levaron ás casas para compartir con nós unha viaxe, real ou ficticia, que fixeron ou lles gustaría facer.
.jpeg)
Hoxe todo o alumnado de infantil e do primeiro ciclo de Educación Primaria tivo a sorte de poder desfrutar dunha sesión de contacontos en inglés.
.jpeg)
One o alumnado de 4º de Educación Primaria recibiron a visita de Carlos López, escritor de Pinto e Chinto para comentar coas nenas e nenos o libro "Cámbiache o conto", o cal leron recentemente dentro do itinerario lector.
Ademais de falar sobre o libro o autor explicoulles curiosidades doutras das súas obras, houbo un momento de entrevista por parte dos rapaces e rapazas e sinatura do libro.
.jpeg)
.jpeg)
Este derradeiro mércores de abril tivemos unha vez máis os apadriñamentos entre o alumnado.
Nesta ocasión cambiamos a actividade que viñamos a facer neles e propuxémoslles traballar xuntos a escritura.
Para iso démoslles unhas plantillas con viñetas de cómic relacionadas co tema do noso Pdi, a volta ao mundo, e o que tiñan que facer era inventar xuntos unha historia a partir desas imaxes e logo completar os bocadillos das mesmas.
Os resultados foron, unha vez máis, estupendos.
Estes días chegou á nosa biblioteca unha nova colección de libros moi demandada polo alumnado do terceiro ciclo: Os Megatoxos.
Agardamos que desfrutedes coa súa lectura.
Esta semana as nenas e nenos de quinto de primaria tiveron a sorte de recibir a visita de Manuel Fraga, escritor e creador da obra "Papá Caníbal", a cal teñen no seu itinerario lector.
Grazas a esta visita poideron descubrir moitas curiosidades da obra e resolver moitas dúbidas sobre a mesma.
Grazas pola visita!
Esta semana, con motivo da conmemoración do día do libro, que se celebra o 23 de abril, a rapazada de 5º EP está a contar contos, pois crearon un... Teatro de Sombras Chino!
Usan unha lanterna que proxectan nunha parede e, despois, con todo o material que prepararon, contan un conto que eles/elas mesmos/as tamén crearon.
O alumnado relacionou este proxecto co PDI do centro, os continentes, e viaxaron ata China para ensinarnos esta idea tan innovadora.
Noraboa compañeiros/as por todo o voso esforzo!
Ademais, as nenas e nenos de primaria crearon estas maletas viaxeiras nas que recomendan o seu libro favorito para levar de viaxe.
.jpeg)
.jpeg)
Nova entrega de Mosteirón nas Ondas
Que novas e curiosidades nos contarán esta semana os nosos compañeir@s do segundo A.
Estamos desexando escoitalas.
Por unha biblio inclusiva!
O 15 de abril recibimos unha nova maleta das solicitadas na Asesoría de Bibliotecas.
Esta vez céntrase na inclusión e está exposta para que todo o alumnado que queira poida acceder aos seus contidos.
Agardamos que vos guste!
O venres 10 de abril o alumnado de 4º de Educación Primaria participou nun obradoiro de radio a cargo de Arturo Trillo.
Nel traballaron a oratoria dun xeito moi dinámico e lúdico.
Foi unha actividade coa que nenos e nenas aprenderon moito.
.jpeg)
.jpeg){kind=link}
