NOVOS TÍTULOS

 Remata o ano pero a nosa biblioteca segue a ir medrando cada día un pouco máis. Estes son as últimas novidades que foron chegando, moitas delas solicitadas polos propios nenos e nenas no noso buzón de suxerencias da biblioteca. Agardamos que desfrutedes moito da súa lectura.

CHEGOU O NADAL A BIBLIO MOSTEIRÓN

Achéganse as festas de Nadal e a nosa biblioteca vestiuse xa para a ocasión.

Todos os libros relacionados con estas festas saíron das súas estanterías para que os teñades máis a man e poidades desfrutar deles. Entre eles hai moitas novidades que foron chegando estes días.

Agardamos que desfrutedes.

Ademais Nicoleto preparounos un calendario de advento para que as nenas e nenos interesados (no tempo de recreo) realicen a actividade proposta para o día. Actividades moitas delas relacionadas coa temática do noso pdi e estas festas ( decoración de bolas de Nadal inspirándose en distintos países, recreación de tradicións navideñas doutros lugares, lecturas compartidas de historias de nadal,...)

DÍA DA DISCAPACIDADE

 Con motivo da conmemoración desta data na biblioteca preparamos unha exposición de libros relacionados coa temática para que todo o alumnado e profesorado poida usalos tanto nos momentos lectores como en empréstito para levar á casa.

Ademais durante toda esa semana e parte da seguinte, nos momentos lectores, o alumnado dos distintos cursos participou nun obradoiro baseado na presentación e uso dos paneis de comunicación se foron instalando nas distintas zonas do colexio, entre as cales se atopa a biblioteca. O obradoiro foi impartido pola nosa profe Zeltia.

MES DA CIENCIA EN GALEGO

 Este curso, para traballar o Mes da ciencia en galego partimos da obra, "La vuelta al mundo en 80 días".

Para iso, pilot@s e axudantes de voo pediron axuda aos nenos e nenas para poder levar a Phileas Fogg polo mundo de viaxe.  E que tiñan que facer? Resolver distintos experimentos realicionados co país que quería visitar.

Aquí vos deixamos un resumo da actividade

ÁRBORE DE NADAL

Grazas a colaboración do alumnado de 5º de Educación Primaria o corredor principal da entrada do centro está decorado cunha grande árbore de Nadal que nenas e nenos, coa axuda do seu mestre, deseñaron con libros expurgados. O resultado é espectacular.

Pero para que a imos empregar? En breves descubrirédelo....

EL PODER DE LAS MARIPOSAS

 Este ano, para conmemorar o 25N, desde o equipo de biblioteca quixemos dar a coñercer  ao alumnado a orixe desta celebración sen esquecernos da temática do noso PDI.

Para iso viaxamos ata a República Dominicana por medio do libro "El poder de las mariposas". Grazas a el nenas e nenos pudieron coñecer un pouco mellor a orixe desta conmemoración.

Nos cursos máis altos realizáronse lecturas compartidas deste libro e nos cursos máis baixos proxectouse un pequeno video do mesmo.

Como cerre da actividade o alumando decorou mariposas en función do seu nivel ( uns pintáronnas, outros escribiron nelas palabras, mensaxes,....) Con todas elas crearonse unhas guirnaldas que xa decoran a nosa biblioteca.

Na biblioteca tamén se creou unha pequena exposición con libros que tratan a temática deste día.

NOVIDADES

 Esta semana á nosa biblioteca foron chegando novos títulos de libros en lingua inglesa. Agardamos que vos gusten e desfrutedes con eles

MALETA LIBRO INFORMATIVO

 A semana pasada recibimos no colexio a maleta viaxeira da asesoría dos Libros Informativos para Primaria.

Unha maleta cuxo contido xa temos exposto no corredor principal do centro para que todo o alumnado e profesorado teña acceso a ela e poida desfrutar de todo o seu contido tanto no momento lector como no día a día da aula ao ser unha rica ferramenta de información e apoio para actividades e contidos traballados na aula.

actividades e contidos traballados na aula.

CONTOS DE SAMAÍN NA AULA SENSORIAL

 Estes días o alumnado de Educación Infantil participou dunha sesión de contos na aula senorial.

O conto elexido foi "La casa encantada". Un conto estupendo para desfrutar da súa lectura cos efectos da luz negra.

Non poido gustar máis. 

Rematada a lectura nenas e nenos animáronse a pintar os personaxes do conto con pintura fluorescente

SAMAÍN

  Para conmemorar esta festividade que gusta tanto entre o alumnado, desde o equipo de biblioteca realizamos distintas propostas. 

A primeira dela consistiu nunha exposición de libros de temática relacionada con esta festividade. Esta exposición ubicouse no corredor principal para que todo o alumnado poidese acceder aos libros con maior facilidade e poder empregalos nos momentos de ler ou nas titorías.

Ademais levouse a cabo un obradoiro de decoración de libros de expurgo. 

As nenas e nenos tiñan que decorar as súas portadas con motivos alusivos a esta data.

Os mestres/as  realizamos unha sesión de contacontos de Samaín para a rapazada.

DIA DAS BIBLIOTECAS ESCOLARES

O venres, 24 de outubro, celebramos o Día das Bibliotecas cunha actividade moi especial e que lles gusta moito ao noso alumnado, os apadriñamentos lectores. Cada neno/a xuntouse co seu padriño ou madriña a ler o conto que lles tiñan preparado.

O encontro desenvolveuse entre sorrisos e expectación por parte dos maiores pois, non sabían como reaccionarían os nenos e nenas mais pequenos/as ante o seu conto pero, o resultado final foi moi satisfactorio, tal e como eles indicaron e serviulles tamén para coñecer aos nenos/as e así poder facer unha selección máis axeitada dos libros para o próximo encontro.

Volveremos xuntar o último mércores de cada mes!

Ata pronto

Este día, os pilotos e pilotas de Mosteirón xunto coas azafatas foron repartindo polas aulas as mochilas viaxeiras para que o alumnado as poida levar á casa e desfrutar coas familias do seu contido. Este curso, como novidade, nas mochilas vai un caderno viaxeiro. Trátase dun libriño no que cada nena e neno deberá contarnos unha viaxe que fixo ou lle gustaría facer.

REGALAMOS VIAXES

 O alumando de 6º de EP estivo moi atarefado estes días realizando un importante traballo de investigación na nosa biblioteca a partir da tarefa "REGALO UN VIAXE".

A actividade consistía en elexir un país que non coñeceran e buscar información relevante do mesmo para que os posibles turistas poidesen coñecer algúns datos significativos dos mesmos ( bandeira do país, a que distancia se atopa do colexio, curiosidades do lugar, momumentos ou espazos de interese para visitar,...).

Para recadar todos estos datos empregaron moitos dos libros de materia que tiñamos xa na biblioteca así como as últimas novidades que foron chegando relacionadas co tema.

ESTREO DA BIBLIOTECA NESTE NOVO CURSO

 Esta primeria semana de Outubro as portas da biblioteca de Mosteirón volveron a abrirse para dar a benvida a todo o alumnado neste novo curso. E para iso fixemos unha divertida actividade de inauguración da mesma coa que arrincábamos tamén o noso Pdi deste ano "Mosteirón travel: viaxando polo mundo".

Aquí vos deixamos un breve resumo da mesma.