ESPECIES EN PELIGRO DE EXTINCIÓN

 Onte visitaron o noso estudio de radio "Mosteirón nas Ondas"  Ana, Samuel, Valentina; Javi e Omar, un grupo de  nenas e nenos de quinto de primaria para gravar este podcast sobre "Especies en perigo de extinción". 

Un programa ben interesante, que mostra o gran traballo de investigación e tratamento da información que trouxo consigo. 

Se queredes escoitalo aquí vos deixamos o enlace.

https://drive.google.com/file/d/1Fr4N8lXhY4Dn1jJ_1jVAuVG9NVhedXFX/view

VISÍTANOS CARLOS LÓPEZ

 Hoxe o alumnado de cuarto de Educación Primaria recibiu a visita de Carlos López, o autor dunha das obras que este ano teñen dentro do itinerario lector.

Logo de comentar xuntos o libro e de responder a todas as preguntas e dúbidas que nenas e nenos lle plantexaron sobre o mesmo tamén houbo tempo para a firma de libros.

CONSTRUCIÓNS CON IMANOX

 Estes días as nenas e nenos dos distintos cursos estiveron a crear distintas construcións cos imanox. Algunhas veces eran construcións deseñadas por elas e eles mesmos pero noutras creacións que trataban de reproducir esculturas ou monumentos famosos. 

OBRAS DE ARTE CON XIZ DOS XOGOS OLÍMPICOS.

Ao logo desta semana, o alumando de Educación Primaria, estivo realizando enxeñosas obras de arte no patio do colexio.

Con xiz de cores e moita imaxinación, representaron os seus deportes favoritos das Olimpíadas.

LETRAS GALEGAS

Este ano a Real Academia Galega este ano escolleu como autora homenaxeada para o Día das Letras Galegas a Luisa Villalta; nada na Coruña e filóloga, violinista e escritora.

Desde o cole brindámoslle a nosa homenaxe coa realización de distintas actividades  organizadas polo equipo de Dinamización da lingua galega e o equipo de biblioteca.

As actividades que fixemos desde o biblioteca foron estas dúas: 

 - Creación dun grande crebracabezas da autora. 

Cada clase foi a encargada de decorar unha peza do mesmo seguindo as indicacións previas.

- Lecturas de fragmentos da obra da autora na radio escolar.

O alumnado do terceiro ciclo de Educación Primaria , ao longo desta semana, tamén subiu á radio lernos distintos textos escritos por Luisa Villalta. 

OLIMPÍADAS MATEMÁTICAS

Este venres levamos a cabo as Olimpíadas Matemáticas de Mosteirón. 

Unha actividade na que o alumnado, agrupado en pequenos equipos de traballo, tivo que resolver unha serie de retos matemáticos para poder conseguir todas as pezas dun quebracabezas que lles daba información dun libro misterioso que tiñan que atopar na  biblioteca. 

Conseguirían atopalo? Seguro que si. 

CREAMOS CON LÁ

Durante estas últimas semanas o alumnado de 5º e 6º de Educación Primaria, na  súa hora de biblioteca semanal, realizaron un obradoiro artístico con lá.

Unha actividade do máis completa, pois previamente a creación das súas obras, houbo un traballo previo de busca de información e investigación na biblioteca.

O resultado non poido ser mellor. 

Ollade que creacións máis bonitas fixeron estas rapaces e rapaces.

ÚLTIMAS NOVIDADES

 Nicoleto segue a completar o catálogo de libros da nosa biblioteca coas peticións que mestres/as e alumnado lle vai facendo.

Estas son as derradeiras novidades en chegar.

 Agardamos que desfrutedes con elas.

ALBERGUE

As nenas e nenos do terceriro ciclo non deixan de aprender cousas  sobre a radio e o seu manexo. Logo de facer escaletas, gravar programas e editalos, agora andan a descubrir o que é unha cuña publicitaria. Un traballo ben completo no que, cada quen, deseñou, redactou e mesmo gravou a súa cuña. 

Aquí vos deixamos un exemplo dunha das cuñas que fixeron.

https://drive.google.com/file/d/1a2sIcCjKZ2sWVHZXWfL_t5ENRJZO-tDE/view