Durante todo este curso viaxou polas aulas de infantil a "Mochila dos retos científicos". Nela unhas familias retaban a outras a facer un experimento.
Como?
Pois primeiro tiñan que facer o experimento proposto lendo con atención os pasos a seguir, nun segundo momento tiñan que recoller o resultado do experimento con texto e imaxes e un terceiro, redactar o experimento que propoñían indicando a que familia ía dirixido.
.png)
O Doctor Crazy lanzou un reto aos nenos e nenas na biblioteca. Tiñan que intentar aplicar unha técnica artística para reproducir a súa imaxe sobro un debuxo de Einstein.
Eles coñecen a Albert Einstein porque xa o traballaron na aula como un científico importante na historia das ciencias no mundo.
Despois dun rato de debate decidiron intentalo con puntillismo...
... este foi o resultado!!!!! (Preme na imaxe para ver o vídeo)
Ao longo de todo o curso, polas aulas de infantil viaxou a MALETA DOS CONTOS CIENFÍTICOS. Cada semana esta maleta visitaba a casa dun neno ou nena para que, coa axuda da súa familia, inventasen e redactasen un relato breve no que a ciencia fora a protagonista.
Logo regresaba ás aulas para que xuntos/as poidésemos desfrutar dos mesmos.
O chef Nicoletto chegou á nosa biblioteca para ofrecer a nenas e nenos unha masterclass de cociña.
Nela ensinoulles a facer dúas sinxelas receitas a partir da lectura do conto “Marcelina en la cocina”: falsas trufas de chocolate e pancakes de plátano.
Así que trala la lectura, xuntos/as estudiaron a receita, contaron os ingredientes, pesaron e mediron cantidades, calcularon tempos,... Un taller no que ciencia e lectura foron da man.
Ao tratar as ciencias ao longo do cursos chega o momento de achegarse ás tecnoloxías máis próximas ao alumnado nas súas casas e na sú contorna. Co gallo de traballar nas aulas contidos próximos á electricidade, enerxías e circuítos eléctricos; o noso alumnado tivo uns momentos na biblioteca para crear diferentes circuítos eléctricos utilizando materiais de refugallo e diferentes dispositivos. As bombillas, pequenos motores, zumbadores, condutores... foron algúns materiais que mesturados cos materiais de refugallo deron lugar a materializar o aprendido nas aulas. A nosa biblioteca convertíuse por unhas horas nun taller eléctrico.
Desfrutámolo moito.
Con motivo da conmemoración do Día das matemáticas escolares (12 de maio), no centro realizamos esta actividade. Nela, o alumnado, agrupado en pequenos equipos de traballo e misturados por idades, participou en distintos xogos matemáticos deseñados e creados polos propios nenos e nenas.
Para isto creáronse distintas estacións de aprendizaxe polos patios e zonas comúns do cole como a biblioteca ou corredores.
Dous ou tres rapaces (en representación do seu grupo/aula) foron os encargados de explicar e dinamizar a actividade aos seus compañeiros, os cales foron rotando polos distintos xogos matemáticos.
Pinchando no seguinte vídeo atoparedes un pequeno resumo da actividade
Coñecemos ARTE como “A actividade humana que ten como fin a creación de obras estéticas”. Este ano facíase preciso intentar crear arte utilizando algunha das ramas da ciencia e desta forma o noso alumnado tivo que crear, utilizando as matemáticas, e máis concretamente a xeometría. Convinando diferentes utensilios e ferramentas matemáticas para crear figuras xeométicas sinxelas e con estas figuras, as interseccións entre elas, a cor e unha imaxinación sin límite saíron uns murais moi vistosos.
Este vídeo reflexa o resultado dun traballo ben feito. (Preme na imaxe)
Xa temos no centro unha nova maleta cargada de información e recursos relacionados con outra das ramas que abrangue o noso pdi as CIENCIAS NATURAIS pois, como sabedes, este ano a súa temática é moi ampla.
Comezamos expoñendo o seu contido no corredor principal para que mestres/as e alumnado poidan descubrir todo o seu contido e seleccionar os materiais que máis lles interesan.
Os recursos desta maleta naturalista ofertada polo CEIDA xa viaxan polas aulas de Mosteirón!
.jpeg)
Continúan chegando á nosa biblioteca novos libros de materias relacionados coa temática do PDI, a ciencia, e con outros temas que están a ser de interese para o alumnado como son a cociña ou os enigmas matemáticos.
Como novidades tamén chegaron libros que nos faltaban para completar algunhas das coleccións de lectura máis demandadas.
Estes son algúns deles.
