CALENDARIO DE ADVENTO

 En colaboración co equipo TIC do cole o equipo de biblioteca  deseñamos este calendario de advento para o noso alumnado e familias. Está cheo de actividades do máis variadas, moitas das cales están relacionadas, como non podía ser doutro xeito, co noso Pdi "A Ciencia". Contos, adiviñas, xogos, experimentos,... unha chea de propostas que agardamos que vos gusten.

Aquí vos deixamos o enlace de acceso:

https://www.edu.xunta.gal/centros/ceipmosteiron/node/997

Día Internacional contra a violencia

 Ao longo desta estivemos a realizar distintas actividades relacionadas con esta data e coa temática do noso pdi, a ciencia.

A primeira delas foi a creación dun mural "Fórmula contra a violencia". Para realizalo, cada clase tivo que encher o seu tubo de ensaio con gotas que contiñan palabras pensadas para acabar coa violencia.

Este foi o resultado

Ademáis tivemos a visita do grupo de teatro "A Xanela do Maxín" co que poidemos desfrutar de dúas obras de teatro que xiraban en torno á ciencia e á figura da muller: "A gata Lúa" para infantil e "Inventoras con mentes curiosas" para primaria.

MAGOSTÍN

 O mércores 30 de outubro festexamos o Magosto e o Samaín con xogos, experimentos, bailes, desfraces...

Desde biblioteca contribuimos a esta celebración con distintas propostas como foron: ambientación da biblioteca, exposición de libros desta temática, lecturas terroríficas compartidas, creación de máscaras, decoración de castañas,...

En colaboración do equipo de Plurilingüismo e demais profesorado do centro tamén se creou un túnel do terror.

DÍA DAS BIBLIOTECAS

Para conmemorar o 24 de outubro, o Día das Bibliotecas, a nosa mascota da biblio, Nicoleto, preparounos nun dos corredores do cole unha grande exposición para dar a coñecer a todo o alumnado e profesorado moitos dos recursos e ferramentas relacionados co tema do pdi deste curso, a ciencia, que poden atopar na biblioteca.

Pero isto non foi todo, o Doctor Crazy presentouse novamente nas distintas aulas do centro, para encargarlle aos rapaces e rapazas un pequeno traballiño, deseñar a portada do seu libro de ciencia.

Con todas as plantillas creamos un grande mural.